Aeropuertu Josep Tarradellas Barcelona-El Prat

Aeropuertu Josep Tarradellas Barcelona-El Prat
Aeroport Josep Tarradellas Barcelona – el Prat (ca)
aeropuertu internacional y aeródromu de tráficu comercial
IATA: BCN • OACI: LEBL
Llocalización
País	España
Autonomía	Cataluña
Provincia	provincia de Barcelona
Ámbitu funcional territorial	Ámbitu Metropolitanu de Barcelona
Contorna	Baix Llobregat
Conceyu	El Prat de Llobregat
Llugar físicu	delta del Llobregat (es)
Coordenaes	41°17′49″N 2°04′42″E / 41.29694°N 2.07833°E / 41.29694; 2.07833
Aeropuertu Josep Tarradellas Barcelona-El Prat Aeropuertu Josep Tarradellas Barcelona-El Prat (España)
Aeropuertu Josep Tarradellas Barcelona-El Prat Aeropuertu Josep Tarradellas Barcelona-El Prat (Cataluña)
Altitú	4 m
Historia y usu
Apertura	1916
Dueñu	Aena
Xestión	Aena
Orixe del nome	El Prat de Llobregat Barcelona Josep Tarradellas (es)
Arquiteutura
Superficie	1300 ha
Aeropuertu
Ciudá a la que sirve	Barcelona
Instalaciones
Formáu por	Terminal 1 del Aeropuerto de Barcelona (es) y Terminal 2 del Aeropuerto de Barcelona (es)
Web oficial

L'Aeropuertu Barcelona-El Prat^[1][2] (IATA: BCN, OACI: LEBL) ye un aeropuertu catalán de la rede Aena. Atópase 15 quilómetros al suroeste del centru de Barcelona y a 3 quilómetros del Puertu de Barcelona,^[3] ente los términos municipales d'El Prat de Llobregat, Viladecans y Sant Boi de Llobregat a un altor de cuatro metros sobre'l nivel permediu del mar. Dispón de dos terminales de pasaxeros, una terminal corporativa y un centru de carga aérea. Ye'l primer aeropuertu n'estensión y tráficu de Cataluña y el segundu aeropuertu con mayor tráficu d'España detrás del Aeropuertu de Madrid-Barajas. Nel añu 2012 llogró asitiase nel tercer puestu del ranking européu y nel primeru d'España tocantes a pasaxeros de vuelos direutos.^[4]

En 2016 el tráficu total xubió a 44.154.693 pasaxeros, que supón una crecedera del 11,2 % respectu al añu anterior y superando per primer vegada la barrera de los cuarenta millones de pasaxeros añales. N'agostu de 2013 foi, per primer vegada, l'aeropuertu español con mayor tráficu de pasaxeros nun mesmu mes y, nos meses de xunetu y agostu de 2014, superó per primer vegada los cuatro millones de pasaxeros nun mesmu mes.^[5]

L'aeropuertu foi conocíu hasta'l 6 de xunu de 2011 de manera oficial como Aeropuertu de Barcelona, pero tres la solicitú del Conceyu d'El Prat de Llobregat en 2008 pa camudar el nome de la infraestructura estudióse'l posible cambéu de nome que se fixo efectivu'l día 18 de xunu de 2011 nel Boletín Oficial del Estáu.^[1] L'aeropuertu tamién ye conocíu por nomes que tuvo enantes, como Aeropuertu d'El Prat o La Volatería, pero que nun son oficiales anguaño.

L'aeropuertu foi ganador delles vegaes consecutives de gallardones SkyTrax.

1. ↑ ^{1,0 1,1} BOE de 6 de xunu de 2011 pola que se modificar la denominación oficial del Aeropuertu de Barcelona - El Prat
2. ↑ 'Aeropuertu de Barcelona-El Prat', nuevu nome oficial de la infraestructura catalana
3. ↑ Aena (ed.): «Aeropuertu de Barcelona-El Prat». Consultáu'l 31 d'agostu de 2015.
4. ↑ [1]
5. ↑ [2] El Mundo.